Falënderimet dhe Lavdërimet i takojnë vetëm Allahut të Madhëruar, ndërsa salavatet dhe selamet qofshin mbi të dërguarin e Allahut, mbi familjën e tij, shokët e tij, dhe mbi të gjithë ata që e pasojnë rrugën e tij
Dhe më pastaj:
Allahu i madhëruar, në librin e Tij, Fisnik, thotë;
وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا ۖ لَا نَسْأَلُكَ رِزْقًا ۖ نَحْنُ نَرْزُقُكَ ۗ وَالْعَاقِبَةُ لِلتَّقْوَى.
“Dhe urdhëroje familjen tënde që të bëjë namaz dhe në këtë bënu këmbëngulës! Na nuk kërkojmë furnizim prej teje.
Na të furnizojmë ty, e përfundimi i mirë është për ata që ruhen nga mëkatet.”
(Ta Ha: 132).
Kjo, është porosi për pejgamberin alejhi dhe të gjithë umetin e tij.
Allahu i madhëruar, e përmend pejgamberin e Tij, Ismailin alejhi selam, se ai ishte njeri i sinqertë, plotësonte premtimin që ia kishte dhënë Allahut, ishte pejgamberë lajmëtarê, urdhëronte familjen e tij për faljen e namazit, dhënien e zekatit dhe përmes këtyre veprave e arriti kënaqësinë e Allahut.
Allahu i madhëruar, thotë:
وَاذْكُرْ فِي الْكِتَابِ إِسْمَاعِيلَ ۚ إِنَّهُ كَانَ صَادِقَ الْوَعْدِ وَكَانَ رَسُولًا نَبِيًّا.
وَكَانَ يَأْمُرُ أَهْلَهُ بِالصَّلَاةِ وَالزَّكَاةِ وَكَانَ عِنْدَ رَبِّهِ مَرْضِيًّا.
“Dhe, përmende (o Muhammed!) në Libër (Kur’an), Ismailin!
Me të vërtetë, ai plotësonte premtimin e dhënë dhe ka qenë pejgamber, lajmëtar.
Dhe urdhëronte popullin e vet, që të bëjë namaz dhe të japë zeqatin dhe arriti kënaqësinë te Zoti i vet.”
(Merjem : 54-55).
Familja, fëmijët dhe të afërmit e tu, janë njerëzit që më së shumti e ke obligim t’i bësh mirë, të sillesh mirë me ta, t’i largosh nga zjarri i xhehenemit, dhe kjo është bamirêsia më e madhe që mund t’ua bësh atyre.
Po e veprove një gjë të tillë, e ke kryer prosinë dhe amanetin e Allahut, ku thotë;
يَا أَيُّهَا الَّذِينَ آمَنُوا قُوا أنفسكم وأهليكم نارا.
“O ju që besoni! Ruani veten dhe familjet tuaja nga zjarri.”
(Tahrim: 6).
Dhe, kjo gjë që ua bënë ti atyre, është më me vlerë sesa t’u dhurosh atyre para apo t’ua plotësosh dëshirat e tyre që kanë të bëjnë me dunjan.
Është çështje madhore që të bëhesh sebeb, t’i largosh dhe mbrosh ata nga dënimi dhe hidhërimi i Allahut.
Por, për t’u arritur një gjë e tillë në mënyrën më të lehtë, duhesh që t’i të jesh shembull për ta, duke kryer vepra të mira, duke i kryer kohët e namazit me xhemat në xhami dhe nê kohën e tyre.
Duhesh të jesh shembull nê ruajtjen e gjuhës nga përgojimi, bartja e fjalëve, në sjellje ndaj të afërmve dhe të tjerëve, në urdhërimin në të mirë dhe ndalimin nga e keqja, pra në çdo aspekt ti duhesh të jesh shembull dhe mostêr për ta.
Allahu i madhëruar, i thërret besimtarët në emër të imanit, ngase imani është ai që e shtinë njeriun tê kryej vepra të mira dhe tê largohet nga veprat e këqija.
Kështu, pra Allahu i drejtohet atyre që kanë besuar:
يَا أَيُّهَا الَّذِينَ آمَنُوا قُوا أنفسكم وأهليكم نار وقودها الناس والحجارة.
“O ju që besoni! Ruani veten dhe familjet tuaja nga zjarri, lëndë djegëse të të cilit janë njerëzit dhe gurët”
(Tahrim: 6 ).
Duhet patjetër të garojmë në vepra të mira, ta këshillojmë njeri tjetrin, të japim mundin tonê drejtë thirrjes së Allahut, ngase kështu na porosit Allahu dhe i dërguari i Tij.
Allahu i Madhëruar, thotë:
وَالْعَصْرِ. إِنَّ الْإِنْسَانَ لَفِي خُسْر.
إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ.
“Betohem në kohë, – me të vërtetë, njeriu është në humbje, përveç atyre që besojnë dhe punojnë vepra të mira, dhe të cilët rekomandojnë njëri-tjetrit të vërtetën (fenë Islame), dhe të cilët i rekomandojnë njëri-tjetrit durimin, (në zbatimin e urdhërave të Allahut).”
(El Asr: 1- 3).
وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ.
“E, ata që përpiqen për çështjen Tonë, Ne, me siguri do t’i udhëzojmë në rrugën Tonë.
Allahu, me të vërtetë, është me të mirët!
(Rrum: 69).
ويقول النبي صلى الله عليه وسلم: الدين النصيحة، الدين النصيحة، الدين النصيحة.
قيل: لمن يارسول الله؟
قال: لله،ولكتابه، ولرسوله، ولأئمة المسلمين وعامتهم.
مسلم(55) من حديث تميم الداري رضي الله عنه.
Pejgamberi alejhi selam, tha: Feja është këshillim, feja është këshillim, feja është këshillim.
I thanë: Për kë o i dërguar i Allahut:
Tha, Pejgamberi alejhi selam: Për Allahun, librin e Tij, të dërguarin e Tij, udhëheqësitë e muslimanëve dhe për masën e gjerë.”
(Muslimi: 55, nga hadithi i Temim ed Darij, radijAllahu anhu).
Allahu na bëftë të gjithëve prej thirrësve të dobishëm në rrugën e Tij.
Allahu na bëftë prej atyre që thërrasin dhe e mbrojnë të vërtetën.
Allahu na bëftë prej atyre që nxitojnë kryerjen e veprave të mira dhe ndalojnë nga kryerja e veprave të këqija.
Allahu na i pranoftë lutjet tona, ngase Ai, me të vërtetë, i dëgjon të gjitha dhe është afër.
Salavatet dhe selamet qofshin mbi të dërguarin e Allahut, mbi familjen e tij, shokët e tij dhe mbi të gjithë ata që e pasojnë rrugën e tij.
Burimi: Mexhmu’u el Fetaua Ue Mekalat el Muteneuia: 9/136-141.
Shejh Abdulaziz Ibën Bazi, rahimehullah.
Nga arabishtja: Suad B. Shabani
