Kryetari i Bashkësisë Islame të Kosovës, Myftiu Naim ef. Tërnava, me bashkëpunëtorë priti sot në takim një delegacion nga Qendra Islame nga Londra, të kryesuar nga Dilowar Khan. Pasi i dëshiroi mirëseardhje, Myftiu Tërnava e njohu mysafirin me historikun, organizimin dhe aktivitetet e BIK-ut si institucion i vetëm që organizon dhe udhëheq jetën edukativo-fetare në Kosovë. Ai më pas theksoi se vendi ynë njihet për tolerancë, bashkëjetesë dhe harmoni ndëfetare dhe se populli ynë asnjëherë nuk ka pasur luftë ndërfetare përgjatë historisë. “BIK-u vazhdimisht ka luajtur një rol kyç në mbarëvajtjen e tolerancës dhe harmonisë ndërfetare në vend” – tha Myftiu Tërnava.
Nga ana e tij, kryesuesi i delegacionit nga Londra, Dilowar Khan, falënderoi Myftiun Tërnava për pritjen vëllazërore dhe u shpreh i lumtur që Kosova po ecën me hapa të sigurt drejt zhvillimit dhe prosperitetit. Ai shprehu kënaqësinë që u pritën në Kryesinë e BIK-ut dhe se janë të interesuar që takimet të vazhdojnë në të mirë dy vendeve.
Rubrika e informacioneve sjell lajme nga aktivitetet që organizojnë institucione islame, organizata islame, thirrës apo ngjarje të tjera me interes për komunitetin musliman. Sjellja e informacioneve nuk nënkupton pajtueshmëri të redaksisë së Thirrja.org me ngjarjet apo përmbajtjen e informacioneve që sillen.
