Prishtinë, më 12 nëntor 2024
Kryetari i Bashkësisë Islame të Kosovës, Myftiu Naim ef. Tërnava, ka pritur në takim imamin e Bashkësisë Islame Shqiptare “Asr”, Xhelal ef. Kaloshin.
Gjatë këtij takimi u diskutua për format dhe mundësitë e bashkëpunimit ndërmjet Bashkësisë Islame të Kosovës dhe qendrave islame shqiptare në diasporë, më konkretisht me Bashkësinë Islame Shqiptare “Asr”.
Myftiu Tërnava tha ndër të tjera se Bashkësia Islame e Kosovës ka për synim ruajtjen dhe forcimin e raporteve ndërmjet institucionit dhe qendrave islame shqiptare në diasporë.
Imami Kaloshi shprehu falënderimet e tij për Myftiun Tërnava dhe për institucionin e BIK-ut për përkrahjen e vazhdueshme dhënë për qendrat islame në diasporë.
Burimi
* Rubrika e informacioneve sjell lajme nga aktivitetet që organizojnë institucione islame organizata islame, thirrës apo ngjarje të tjera me interes për komunitetin musliman. Sjellja e informacioneve nuk nënkupton pajtueshmëri të redaksisë së Thirrja.org me ngjarjet apo përmbajtjen e informacioneve që sillen.
