DRAFT i një Ligji/Rregulloreje për Xhamitë, administrimin dhe menaxhimin e tyre, për qëllime referimi

Një Ligji i vjetër për Xhamitë, administrimin dhe menaxhimin e tyre, për qëllime referimi

Një ligj i bërë për administrimin dhe menaxhimin e xhamive dhe pronave të tyre sipas normave islame dhe në interes të publikut.

 

1. Titulli i shkurtër.- Ky ligj mund të quhet ligji për Xhamitë (Administrimi dhe Menaxhimi i Xhamive), 
2. Përkufizimet. 

(a) “Administrator i Vakëfit” do të thotë administratori i vakëfit i emëruar nga institucioni i Bashkësisë Islame.

(b) “Këshilli i Xhamisë” nënkupton çdo këshill xhamije të krijuar sipas këtij ligji;

(c) “Xhamitë” do të thotë çdo xhami e përmendur në listën e këtij ligji duke përfshirë pronat e tyre;

(d) kur flitet për “Pronat” e xhamive, –

(1) çdo pronë e luajtshme ose e paluajtshme e xhamisë përkatëse që gjendet brenda ose jashtë kufijve të xhamisë;

(2) të gjitha pronat e dhuruara ose të dhëna nga vakëfi në emër të xhamisë përkatëse, dhe çdo pronë tjetër nën mbikëqyrjen ose menaxhimin e xhamisë për arsye fetare, arritje të virtytit ose mirëqenies publike;

(3) dhe do të përfshihen të gjitha dhuratat për xhaminë përkatëse;

(e) “Rregull” nënkupton një rregull sipas këtij ligji.

 

3. Administrimi dhe menaxhimi i xhamive  

(1) Përgjegjësia për administrimin dhe menaxhimin e çdo xhamie i besohet Këshillit të xhamisë të themeluar sipas këtij ligji.

(2) Pavarësisht nga çdo gjë e thënë në nën-nenin (1), menjëherë pas fillimit të këtij akti-

(a) administratorit të vakëfit do t’i besohet përkohësisht përgjegjësia për administrimin dhe menaxhimin e çdo xhamie dhe ai vetë ose nëpërmjet njërit prej nëpunësve të tij vartës do ta kryejë këtë funksion derisa të krijohet Këshilli i Xhamisë për këtë qëllim.

(b) të gjitha Këshillat e tjera të cilave u është besuar administrimi dhe menaxhimi i xhamive  apo sido që të quhen ato, do të vjetërsohen;

(c) të gjithë personat e angazhuar në administrimin dhe menaxhimin e xhamive  a do të shkarkohen nga postet e tyre.

(3) Me themelimin e Këshillit për çdo xhami  përfundon përgjegjësia që i është besuar administratorit të vakëfit nga nënparagrafi (2) dhe përgjegjësia në fjalë i kalon Këshillit.

4. Dorëzimi i pronave dhe aseteve të xhamive  

– Çdo Këshill i vjetëruar i çdo xhamie sipas nenit 3 ose çdo person i larguar duhet të dorëzojë brenda 15 ditëve pas fillimit të këtij ligji të gjitha asetet e xhamisë dhe të gjitha paratë e gatshme në lidhje me xhaminë dhe pronat e saj, llogaritë, regjistrat, shënimet dhe dokumentet e tjera te administratori i vakëfit ose çdo zyrtari tjetër të ngarkuar prej tij për këtë qëllim, dhe administratori i vakëfit ose zyrtari në fjalë, pas marrjes do të përgatisë një listë dhe do t’ia transmetojë një kopje të kësaj liste administratës; dhe me themelimin e një Këshilli për xhaminë ia dorëzon Këshillit:

Me kusht që, nëse Këshilli për xhaminë është themeluar para dorëzimit të këtij lloji, në atë rast dorëzimi do t’i bëhet Këshillit drejtpërdrejt dhe Këshilli pastaj do të përgatisë listën dhe do të ja përcjell administratës.

5. Këshilli i Xhamisë .

(1) Sa më shpejt që të jetë e mundur dhe brenda tre muajve, pas fillimit të këtij ligji, Administrata do të themelojë një këshill të xhamisë për administrimin dhe menaxhimin e çdo xhamie, i cili përbëhet nga një kryetar dhe ndërmjet pesë dhe dhjetë anëtarëve.

(2) Kryetari dhe anëtarët e këshillit duhet të jenë muslimanë, dhe së paku njëri prej tyre duhet të ketë njohuri të veçanta të Sheriatit, dhe njëri nga ta duhet të jetë nga personat e angazhuar më parë në administrimin e xhamisë;

Me kusht që, nëse ndonjëri nga personat e përmendur është dënuar për ndonjë vepër penale, ose nëse ka keqpërdorur ose përvetësuar ndonjë nga pronat e xhamisë, në atë rast ai nuk do të emërohet anëtar.

(3) Kryetari ose ndonjë anëtar i këshillit emërohet për një periudhë prej një viti nga data e emërimit të tyre:

Me kusht që, pavarësisht përfundimit të një periudhe, kryetari dhe anëtarët do të qëndrojnë në postet e tyre derisa të emërohen pasardhësit e tyre.

(4) Administrata mund ta shkarkojë kryetarin ose cilindo anëtar të këshillit pa dhënë arsye para përfundimit të mandatit të funksionit të tyre.

(5) Kryetari ose çdo anëtar i këshillit mund të japin dorëheqje nga posti i tyre duke i dërguar një letër të nënshkruar Administratës dhe pas pranimit të dorëheqjes posti mbetet vakant.

(6) Këshillit gjatë ushtrimit të funksioneve të tij ndjek procedurën e përcaktuar me rregull.

(7) Asnjë veprim i këshillit nuk bëhet i paligjshëm vetëm për arsye të ndonjë konkursi apo mangësie në përbërjen e tij.

6. Kompetencat dhe funksionet e këshillit.- 

(1) Këshilli ka këto kompetenca dhe funksione, përkatësisht:-

(a) zbatimin e administrimit dhe legjislacionit të xhamive

(b) mbikëqyrjen dhe mbrojtjen e xhamive;

(c) mbrojtjen e shenjtërisë së xhamisë dhe ruajtjen e qetësisë dhe rendit të paprekur në zonën e xhamisë;

(d) kujdesi për ruajtjen e kujtimit të personalitetit etj., me emrin e të cilit është emërtuar xhamia;

(e) pranimi i parave, artikujve dhe donacioneve për xhaminë;

(f) pranimi, grumbullimi dhe realizimi i të ardhurave ose parave që i takojnë nga pronat e xhamisë;

(g) shpenzimi ose përdorimi i parave të dhuruara në xhami sipas dëshirës së dhuruesit;

(h) emërimin e shërbëtorëve dhe, nëse është e nevojshme, të punonjësve të tjerë për xhaminë me miratimin paraprak të administratorit të vakëfit dhe marrjen e masave ndëshkuese, duke përfshirë shkarkimin e personave të lartpërmendur;

(i) përcaktimin e pagave ose shpërblimeve të tjera për shërbëtorët e emëruar dhe punonjësit e tjerë me miratimin paraprak të administratorit të vakëfit dhe shpenzimin e parave nga fondi i xhamisë për këtë qëllim;

(j) mirëmbajtjen e fondit të xhamisë dhe shpenzimet e mbledhjes nga ajo sipas ligjit dhe rregulloreve;

(k) kryerja e veprimeve të përshtatshme për administrimin dhe legjislacionin e xhamisë ose të përcaktuara me rregullore.

(2) Për të gjitha çështjet që kanë të bëjnë me administrimin dhe legjislacionin e xhamive, komisioni i përgjigjet administratorit të vakëfit dhe i kryen funksionet e tij nën mbikëqyrjen e tij.

7. Imami.- 

(1) Çdo person në pozitën Imamit merr kompensim mujor të caktuar nga Administrata dhe ky kompensim paguhet nga fondi i xhamisë apo nga administrata.

(2) Imami është përgjegjës për kryerjen e ritualeve dhe organizmin e aktiviteteve fetare.

(3) Imami nuk është përgjegjës lidhur me administrimin dhe menaxhimin e xhamive, ndërsa llojin e përgjegjësive që do të ketë lidhur me organizimin e aktiviteteve fetare të xhamisë etj., i përcakton Administrata.

(4) Nëse pozita e Imamit është e lirë, në atë rast imami zgjidhet nga administrata në bashkëpunim me Këshillin e Xhamisë i cili përfaqëson xhematin. 

(5) Nëse duket se ka ndonjë mosmarrëveshje në lidhje me pasimin e postit të Imamit, Administrata merr vendimin përfundimtar. 

(6) Nëse një person është vendosur menjëherë para fillimit të këtij ligji në postin e Iammit, ai, varësisht nga dispozitat e këtij ligji, mbetet aty.

 

8. Ekzekutimi i veprimeve sipas rregullave Islame.

– (1) Administratori i vakëfit, Këshilli ose kushdo tjetër do të ndjekë Mësimet dhe rregullat islame gjatë ushtrimit të kompetencave dhe kryerjes së funksioneve dhe detyrave sipas këtij ligji.

(2) Në rastin e përdorimit ose shpenzimit të ndonjë gjëje të dhuruar ose dhënë si vakëf në ndonjë xhami, nëse qëllimi i dhuruesit ose vakifit nuk përputhet me sheriatin islam, atëherë, përkundër qëllimit të kundërt të tij, ai do të përdoret ose shpenzohet sipas Sheriatit Islam; por duhet kushtuar kujdes që për aq sa është e mundur të përdoret sipas qëllimit të tij.

(3) Çdo shpenzim nga fondi i çdo xhamie duhet të jetë në përputhje me Sheriatin Islam.

(4) Pronat e xhamive  a nuk mund të përdoren për asnjë çështje ose veprim në kundërshtim me Sheriatin Islam.

(5) Nëse dikush ngre një kundërshtim duke thënë se është shkelur ndonjë dispozitë e këtij neni, ai duhet ta informojë me shkrim Qeverinë, dhe pas marrjes së një kundërshtimi të tillë, Qeveria ia delegon çështjen një komisioni prej tre specialistësh të Sheriatit, rezoluta e të cilit do të të jetë përfundimtar.

9. Fondi i xhamisë.

– (1) Çdo xhami do të ketë një fond xhamie dhe në të depozitohen të gjitha paratë e dhuruara dhe të hollat ​​e fituara nga pronat e saj, plus paratë që xhamia ka pasur para fillimit të këtij ligji.

(2) Fondi i xhamisë do t’i besohet komisionit, i cili sipas udhëzimeve të zakonshme ose të veçanta të Qeverisë,

(3) Të gjitha paratë e fondit të xhamisë deponohen në llogari në ndonjë bankë të caktuar.
(4) Me llogarinë bankare të xhamisë menaxhohet në procedurë të përcaktuar me ligj dhe rregullore.

10. Rregullimi i pronave të një xhamie të dhuruara si vakëf.-
(1) Pavarësisht nga çdo gjë që thuhet në këtë ligj, nëse ndonjë pasuri e paluajtshme i jepet xhamisë si vakëf, në atë rast të ardhurat e fituara prej saj, sipas Sheriatit, për aq sa është e mundur do të përdoren sipas dëshirës së vakifit – dhuruesit.
(2) Dhuruesit e vakëfit në fjalë, përveç që kanë të drejtën e administrimit të vakëfit, përfitojnë edhe nga të drejtat dhe shpërblimet e vakëfit, nëse ekzistojnë.

11. Dorëzimi i pronave të xhamisë.
(1) Përveç Këshillit ose personit të autorizuar prej tij, askush nuk mund të transferojë asnjë pronë të ndonjë xhamie.
(2) Asnjë pronë e paluajtshme e ndonjë xhamie nuk mund të bartet pa miratimin paraprak të administratorit të vakëfit.
(3) Nëse ndonjë pronë është bartur në kundërshtim me këtë nen, bartja është e pavlefshme.

12. Mbyllja e përkohshme e llogarive bankare.-
Menjëherë me fillimin e këtij ligji dhe deri në themelimin e komisionit të caktuar të xhamisë, të gjitha llogaritë bankare të çdo xhamie do të bllokohen ose ngrihen përkohësisht dhe deri me themelimin e Këshillave të Xhamive llogaritë bankare në fjalë do të bllokohen. Me themelimin e Këshillave llogaritë transferohen tek ta dhe menaxhohen në procedurë të përcaktuar me ligj dhe rregullore.

13. Mbajtja e llogarisë.
Këshilli i Xhamisë mban llogaritë e xhamisë në procedurë dhe formë të përcaktuar me rregullore.

14. Kontrolli i llogarive.

Një kontrollues i emëruar nga Administrata dhe nga Auditori Kombëtar do të kontrollojë llogaritë e Këshillit çdo vit.

15. Kërkesa për raporte

Administrata duhet të kërkojë raporte, llogari, statistika ose fakte të tjera të çdo subjekti nën administrimin dhe disponimin e një Këshilli, dhe Këshilli është i detyruar t’i prodhojë dhe t’i ofrojë ato në përputhje me kerkesa.

16. Inspektimi i xhamive.

Administrata ose çdo person i autorizuar prej saj mund të inspektojë në çdo kohë çdo xhami dhe pronat e saj dhe librat e llogarive, regjistrat dhe fondin, dhe pas një inspektimi të tillë ajo do të transmetojë një raport tek institucionet tjera.

17. Anëtarët e Këshillit janë nëpunës publikë.
Kryetari dhe anëtarët e tjerë të Këshillit do të konsiderohen nëpunës publikë sipas ligjit.

18. Ndëshkimet për asgjësimin e pamiratuar të aseteve.
Nëse ndonjë anëtar i një Këshilli, mandati i të cilit ka skaduar, ose ndonjë anëtarë i shkarkuar bën ndonjë gjë në lidhje me xhaminë përkatëse, pronat e saj, menaxhimin ose asgjësimin e fondeve, duke pretenduar se është anëtar i Këshillit në fjalë ose e llogarit veten sikur të mos ishte shkarkuar, dënohet me burgim jo më shumë se dy vjet ose me gjobë ose me të dyja.

19. Ndëshkimi për përfitimin e pamiratuar të parave.
Nëse ndonjë person i tillë, i cili nuk është i autorizuar nga Këshilli për të pranuar para, dhe ai realizon të hyra për vete ose në emër të një xhamie, dënohet me burgim jo më shumë se dy vjet, ose me gjobë, ose të dyja.

20. Ndëshkimi për pranimin dhe marrjen e të hollave pa miratim.
Nëse ndonjë person i tillë, i cili nuk është i autorizuar nga Këshilli për këtë, pranon ose merr para, sende ose dhurata të dhuruara për xhaminë, dënohet me burgim jo më shumë se dy vjet, ose me gjobë, ose të dyja.

21. Dënimi për marrjen në posedim të parave, pronave etj. në mënyrë të paligjshme.
Çdo person që:
(a) merr ose mban në mënyrë të paligjshme para, pronë ose fond të ndonjë xhamie ose mban ndonjë para, pronë ose fond nën kontrollin ose kujdesin e tij, ose
(b) mban me dëshirë çdo libër llogarie, regjistër, regjistra ose dokumente të tjera që lidhen me ndonjë xhami ose me pronat e saj, ose nuk ia paraqet ose ia dorëzon ato Këshillit të Xhamisë, administratorit të vakëfit ose ndonjë zyrtari të autorizuar prej tij në këtë emër, dënohet me burgim deri në dy vjet, ose dënohet me gjobë ose të dyja.

22. Ndëshkimi për tërheqjen e parave nga llogaria bankare e bllokuara përkohësisht.
Nëse një person mbledh ose transferon para nga ndonjë llogari bankare e bllokuar përkohësisht sipas nenit 14, dënohet me burgim jo më shumë se dy vjet ose me gjobë, ose me të dyja dënimet.

 

Përktheu dhe përshtati në shqip: